Innuttaasut amerlassusaat ineriartornerallu
Kalaallit Nunaat (1. januar 2010) 56.452-nik inoqarpoq, tassalu innuttaasut ataatsimut amerlassusaat ukiut kingulliit 20-t ingerlaneranni inuit +/- 1000-ugaangata. Ukiut 20-t taakku ingerlaneranni innuttaasut annikitsuinnarmik amerliartorsimapput ukiut 2005-miit 2009-mut innuttaasut ikilinerat isigissanngikkaanni. Ukioq 2009-miit 2010-mut innuttaasut 258-nik amerleriarput.
Takussutissiaq 1
1980-miit 2010-mut innuttaasut inunngorfiinut agguataarlugit
|
|
1980 |
1985 |
1990 |
1995 |
2000 |
2005 |
2010 |
|
Katillugit..... |
49.773 |
52.940 |
55.558 |
55.732 |
56.107 |
56.969 |
56.452 |
|
Kalaallit Nunaanni inunngortut... |
40.947 |
43.587 |
46.142 |
48.412 |
49.355 |
50.272 |
50.226 |
|
Taakkunannga Kalaallit Nunaanni inunngortuullutik |
0,82 |
0,82 |
0,83 |
0,87 |
0,88 |
0,88 |
0,89 |
Najoqqutaq: Naatsorsueqqissaartarfik
Innuttaasut amerlassusaat amerlassusaasalu allanngorarnerat ukiuni ingerlasuni ajoratik inuusut amerlassusaannik aallaveqartuaannarpoq, toqusut amerlassusaannik, nunatsinnut nutserartut nunatsinnillu nuuttut amerlassusaannik. Titartakkami 1-mi takuneqarsinnaavoq ukiumoortumik innuttaasut amerliartornerat, inunngortut amerlassusaat kiisalu nunatsinnut nunatsinillu nuuttartut amerlassusaat. Innuttaasut pillugit naatsorsuusiornerni pissusiusarsimavoq takuneqarsinnaasoq, tassalu inunngortut amerlassusaat aammalu nunatsinnut nuuttartut annikippallartarnerat innuttaasut akuersaarnartumik amerliartornerannut takutitseqataataasartoq.
Titartagaq 1
Innuttaasut amerliartornerat, inunngortut amerliartuutaasut aammalu nuuttartut
Najoqqutaq: Naatsorsueqqissaartarfik
Inunngortut amerliarttuutaasut 1960-kut aallartinneranni malunnavissumik qutsippoq, tamassumunnga nassuiaatissaavoq pisup nalaani kinguaassiorsinnaassuseqarnerup malunnavissumik qaffasissusia. Ukiorpaalunnguit ingerlammata kinguaassiorsinnaassuseqarnerup qaffasissusia affaannanngorpoq, taamatuttaaq ukiumut inunngor affaanngannorlutik. Oqaatigineqartarpoq ”ukiut inunngorfiunerpaasut” ukiuni 1960-kunni pisut. Taakku ukiut inunngorfiunerpaasut ukiut qulinngorfii sioqqullugit kingorqullugillu pisunut naleqqiullugit marloriaammik annertunerupput. Taakku ukiut inunngorfiunerpaasut kingorna innuttaasut utoqqaassusiisa agguarnerinut allanngornerujussuarnik pilersitsipput taamatullu tamanna takuneqarsinnaalluni innuttaasut amerlassusaannut pyramidiliami. Ukioq 2010-mi pineqartut 40-nik aamma 50-nik utoqqaassuseqassapput.
Titartagaq 2
Innuttaasut amerlassusaannut pyramidiliaq
Najoqqutaq: Naatsorsueqqissaartarfik